高 考 、 中 五 會 考 相 繼 放 榜 ， 其 實 升 唔 到 學 ， 未 必 係 壞 事 ， 如 果 有 一 技 之 長 ， 教 吓 游 水 ， 都 可 以 搵 到 食 。 唔 好 以 為 教 游 水 一 定 要 有 教 練 牌 ， 原 來 有 救 生 員 資 格 （ 包 括 拯 溺 銅 章 、 泳 池 救 生 章 及 急 救 証 書 課 程 ） 都 冇 問 題 ， 考 救 生 員 仲 唔 使 教 學 經 驗 ， 游 水 叻 就 考 得 。 除 咗 可 以 做 救 生 員 外 ， 啲 家 長 知 你 有 救 生 員 資 格 ， 爭 住 搵 你 教 佢 哋 小 朋 友 游 水 添 。
好 似 我 個 朋 友 Gigi 咁 ， 家 喺 康 文 署 轄 下 嘅 西 貢 廈 門 灣 沙 灘 做 救 生 員 ， 月 入 約 $12,000 ， 平 時 仲 有 兼 職 教 水 ， 每 個 月 多 成 $3,000 收 入 。 「 我 得 中 三 程 度 ， 考 到 救 生 員 資 格 對 我 搵 工 好 有 幫 助 ， 之 前 去 過 好 多 私 人 泳 池 做 救 生 員 ， 我 平 時 都 有 教 游 水 ， 上 兩 個 月 泳 會 先 介 紹 咗 7 個 學 生 畀 我 ， 泳 會 見 我 有 救 生 員 資 格 ， 會 幫 我 搵 學 生 ， 我 每 個 學 生 收 $80 至 $200 一 個 鐘 ， 泳 會 會 抽 番 大 約 1 成 佣 。 」
雖 然 平 時 有 唔 少 機 構 會 推 出 拯 溺 銅 章 、 泳 池 救 生 章 及 急 救 證 書 課 程 ， 但 學 晒 3 個 課 程 兼 考 埋 試 ， 隨 時 要 9 個 月 至 1 年 時 間 。 但 喺 夏 天 開 嘅 班 會 密 好 多 ， 差 唔 多 個 個 星 期 開 班 ， 好 似 報 拯 溺 銅 章 課 程 ， 一 星 期 可 以 上 4 堂 ， 跟 住 就 可 以 考 試 ， 只 需 4 個 月 就 可 以 攞 到 晒 有 關 救 生 員 嘅 資 格 。 家 先 考 ， 考 完 都 天 氣 凍 ， 但 Gigi 話 即 使 喺 冬 天 ， 都 可 以 去 室 內 池 做 救 生 員 或 教 水 ， 一 樣 有 錢 搵 。
拯 溺 銅 章 訓 練 班
主 辦 機 構 ： 康 樂 及 文 化 事 務 署
上 課 日 期 ： 20/7 至 17/8 逢 星 期 一 、 三 、 五 、 六
收 費 ： $108
報 名 日 期 ： 由 22/6 至 23/7
網 址 ： http://www.youth.gov.hk/
泳 池 救 生 章
主 辦 機 構 ： 沙 田 公 眾 泳 池 拯 溺 會
上 課 日 期 ： 7 月 至 10 月 逢 星 期 一 、 三 、 五 或 二 、 四
收 費 ： $1,500
報 名 日 期 ： 可 隨 時 報 名 及 插 班
網 址 ： http://www.cia.hk/
主 辦 機 構 ： 明 愛 社 區 及 高 等 教 育 服 務
上 課 日 期 ： 7 月 28 日 至 8 月 27 日 逢 星 期 二 、 四
收 費 ： $500
報 名 日 期 ： 現 正 接 受 報 名
網 址 ： http://www.cches.edu.hk
救 生 員 特 別 係 女 仔 超 渴 市 ， 皆 因 呢 行 男 多 女 少 ， 但 每 一 個 游 泳 池 都 要 女 救 生 員 當 值 ， 因 為 男 仔 唔 入 得 女 更 衣 室 。
沒有留言:
張貼留言