紫荊女俠力大無窮

 生果日報 - 2011年06月01日

女俠突擊托 50磅飯煲

紫荊女俠力大無窮

2011年06月01日

【本報訊】紫荊俠又出動,前日突擊探訪佐敦一家食物銀行,除帶來大量即食 麪外,更向在場約 60名公公婆婆每人送上 100元,又抬起估計重 50磅的飯煲幫手派飯。「銀行」負責人驚嘆:「佢連裝咗 60人飯嘅大飯煲都托得起,做俠士嘅果然氣力非凡!」

抬起 50磅重電飯煲

紫荊俠昨午主動在 facebook透露有關行動,「近日我去過油尖旺食物銀行行動,這機構由香港社區發展網絡主理,主要提供食物給貧窮人士、露宿者、獨居長者……試想想,香港竟然有老弱人士吃不飽,實在難以想像,令人痛心疾首」。她又呼籲市民捐助該食物銀行。
該食物銀行位於渡船角文苑樓,負責接待紫荊俠的香港社區發展網絡總幹事龍緯汶說並不認識對方。他指食物銀行平日是尼泊爾廟,逢星期一、三、五下午 3時會借用地方讓窮苦街坊吃免費飯。前日下午 1時半,龍收到一名女子電話,問可否捐食物,他當時不以為意,着對方自行將食物送來。
至下午約 2時 45分,大批街坊準備開餐之際,紫荊俠獨自掩至,龍緯汶開門一刻始知來者是誰。「佢一個人托住幾十包即食 麪同杯 麪入嚟,叫我介紹吓呢度,跟住就話佢唔會再出聲……佢一定做過資料搜集,唔係點識喺呢個最多人嘅時候上嚟?」
紫荊俠之後拿出大叠「紅衫魚」,向在場約 60名長者每人派 100元,又向各人問候及握手。「啲公公婆婆好開心,佢哋冇乜睇報紙,唔識邊個紫荊俠,仲以為係拍戲。」龍謂紫荊俠之後逕自走進廚房,竟將一個滿載 60人份量白飯、直徑約 1呎 8吋、估計重近 50磅的大電飯煲抬起,再搬出大堂為長者們逐一派飯,「我都托唔起,佢氣力真係有番咁上下。」

來去匆匆迴避交談

龍緯汶自言與普羅大眾一樣對紫荊俠身份感好奇,但對方來去匆匆逗留不足半小時,其間似迴避交談,說話不多,來電更隱藏了號碼,對其背景仍一無所知。「佢把聲屬斯文,唔尖唔沉,講嘢一句起兩句止,冇尾音,廣東話講得幾純正……我估佢 30幾歲啦」。

紫荊俠前日在油尖旺食物銀行向 60多名等開餐長者每人派 100元，迅速將 6,000元派光。　互聯網