被鐵通喪毆 少女為 B撇醉男 被男友用鐵通狂打 從小困狗籠 九個未婚媽媽 孕記驚心

被鐵通喪毆　少女為 B撇醉男

被男友用鐵通狂打　從小困狗籠

九個未婚媽媽　孕記驚心

2011年02月11日

【本報訊】阿威、阿賢、阿良、阿權、阿忠、阿雄統統很會射精,他們不曉得的,是怎樣當爸爸。精卵結合,成為肉身,女子突如其來「進化」成媽媽,目擊紫色小腳連同血肉從自己陰道滑出、聽着胎兒在子宮內被金屬鉗「搞爛」、懷胎十月誕下嬰孩簽字放棄撫養權,這些時候,千百個阿軒阿華在踢足球,無數個阿良阿權改電話不知所終,母親的抉擇以文字記錄九位未婚媽媽獨自與小生命相遇的故事。
Emily與同一名男友懷孕三次、墮胎三次;婷婷從小被親人虐待、困在狗籠, 12歲患抑鬱症,醉酒與朋友發生性行為, 15歲就當媽媽;阿玲五歲時意外傷殘,又遭逢初戀男友心臟病發去世,成年後被男友強姦成孕。母親的抉擇昨日出版新書《「孕」記.印記》,九個故事都觸目驚心。
Stephanie帶着兒子峰峰接受訪問,她兩年多前在網上認識裝修工人阿權,兩人相戀後一直有性行為,一次她忘了服避孕藥,阿權又在性交時脫下安全套,一個月後她發現懷孕,「成個人呆咗」,當時只有 23歲。
「朋友話落咗對身體唔好、會冇咗個小生命,屋企人又反對我要,自己都掙扎咗好耐,諗住生咗出嚟畀人領養。」她說:「 BB喺我個肚度又踢又轉嚟轉去,生咗出嚟,望住個 BB,唔捨得畀人!」男友最初表明會在孩子擺滿月酒後與她結婚,結果一次又一次醉後用鐵通打她,把她當成狗一樣,「飲咗之後就係咁打我,第三次打我,我親手報警拉佢」。她最擔心男友傷害孩子,一度入住家暴宿舍,男友被判守行為一年。

「個仔嗲吓我　真係好開心」

《「孕」記.印記》記錄了九個未婚懷孕故事。

這個時候,向來關係疏離的家人成為她最大的支柱,「以為屋企人會鬧,點知反而 close咗,佢哋同我講,成件事 BB無辜,錯係你哋兩個大人嘅錯」。現在她靠家人接濟和綜援過活,要省吃儉用,暫時不會拍拖,「始終個仔咁細,好少有人會唔介意你有個小朋友」。
Stephanie沒有後悔生下兒子:「佢宜家識行識走、識講嘢,間唔中錫吓我、嗲吓我,真係好開心。我講呢件事出嚟,係希望其他人唔好隨便犧牲一條小生命。」

Stephanie（右）一度想棄養兒子，但始終捨不得，因此打消念頭。