JOY Newspaper Cutting: Tablet七級防水　豪雨照捽

生果日報 - 2011年11月03日

Tablet七級防水　豪雨照捽

2011年11月03日

邊玩水,邊影相嘅防水手機,近期見得好多,但游緊水仲可以玩平板電腦,你又試過未?㗎國出品 Fujitsu F-01D熱辣抵港,挾住全球首部防水 Tablet威名,達到 IPX5/7防水標準。天氣微凉生不逢時?就算唔玩碧波暢泳,都有機會遇着豪雨突襲啦,有備無患呀!

記者:陳國輝
攝影:伍慶泉
Model: Kiko@Zmodel

最啱論盡鬼

■模擬滂沱大雨窘境,難得操作依然無誤。

玩慣日系防水手機都知,機側通常設有幾組防水膠塞,可為記憶卡、充電 USB位,以及電池槽提供防水功能! F-01D亦無走雞,佢支援 IPX5/7國際防水標準,唔單止可防水滴,甚至喺泳池游水時,一樣可放心擺喺岸邊操作。
為求測試全球首部防水 Tablet,模特兒 Kiko試齊三種最常「遇水」嘅情況。首先扮唔覺意倒瀉水,用紙巾擦吓抹吓,雖仍有水迹,但一樣可輕鬆捽玩平板功能。跟手係試落雨天,就算 Kiko淋到濕晒身、慘變落湯雞,但豪雨仍無阻 Kiko上網睇《蘋果》。最後索性玩大啲,落埋泳池實戰,雖然 F-01D能承受 1米水深,但當水波流過機身,甚至喺水底下捽,操作無反應兼畫面亂跳,唔多 Work喎!

■倒瀉水,大嗌完後抹番乾就無事。

■水底下操作亂晒龍,唔夠完美。

自家靚介面　夠 Fun

■每一個 Theme的時鐘和日曆都唔同,唔怕用到悶。

防水固然係賣點,但別忘記 F-01D本身亦採用 Android 3.2 Honeycomb介面,操作同 Samsung Galaxy Tab 10.1以及 Sony S等平板電腦,除咗硬件係用 1GHz處理器之外,幾乎無任何區別。值得留意係, F-01D內置多款 Fujitsu自家設計介面,包括有卡通圖案、木紋以及水底等幾隻 Theme,同時,主畫面內嘅時鐘、日曆也會因應唔同 Theme而產生唔同效果,啱晒鍾意有新鮮感嘅朋友。