創業通 : 特色暑期班 搶攻細路市場
一 向 覺 得 細 路 錢 易 賺 ， 尤 其 是 暑 期 期 間 ， 家 長 為 了 要 塞 滿 小 朋 友 的 時 間 表 ， 避 免 日 日 打 機 、 無 所 事 事 ， 寧 願 替 他 們 報 名 參 加 不 同 的 興 趣 班 ， 希 望 學 多 點 東 西 ， 見 識 更 廣 。 加 上 今 年 豬 流 感 肆 虐 ， 令 學 生 哥 提 早 放 暑 假 ， 假 期 更 悠 長 ， 對 一 眾 生 意 人 來 講 ， 更 是 商 機 無 限 。
像 以 下 兩 個 課 程 的 負 責 人 ， 以 往 做 開 成 年 人 生 意 ， 近 年 卻 看 準 這 個 龐 大 的 細 路 市 場 ， 紛 紛 推 出 暑 期 班 ， 以 市 場 少 有 及 提 供 出 騷 機 會 作 招 徠 ， 成 功 突 圍 而 出 ， 單 是 一 個 暑 期 ， 營 業 額 最 少 超 過 10 萬 ， 細 路 錢 果 然 易 賺 。
Case 1 潛 水 班 市 場 少 有
夏 日 炎 炎 ， 小 朋 友 揀 選 戶 外 興 趣 班 ， 首 選 當 然 是 水 上 活 動 ， 若 嫌 游 泳 班 太 普 通 ， 原 來 香 港 也 有 公 司 開 辦 兒 童 潛 水 班 ， 不 過 全 港 只 得 1 、 2 間 ， 潛 水 歷 險 會 便 是 其 一 。 課 程 總 監 Stephen 表 示 ， 公 司 以 前 只 做 成 人 班 ， 兒 童 班 是 4 年 前 才 新 增 。 「 近 呢 幾 年 ， 好 多 家 長 問 我 哋 有 冇 兒 童 班 ， 大 部 分 係 因 為 佢 哋 本 身 有 玩 開 潛 水 ， 想 帶 埋 小 朋 友 一 齊 去 ， 當 係 親 子 活 動 ， 有 啲 就 覺 得 畀 小 朋 友 學 潛 水 好 特 別 ， 我 見 咁 多 家 長 有 興 趣 ， 4 年 前 先 開 兒 童 班 ， 試 吓 反 應 。 」
兒 童 班 分 為 潛 水 體 驗 班 和 證 書 課 程 ， 上 堂 會 提 供 所 需 器 材 。 「 根 據 國 際 標 準 ， 小 朋 友 要 10 歲 以 上 先 可 以 考 初 級 潛 水 員 牌 ， 所 以 我 哋 嘅 證 書 課 程 ， 都 規 定 小 朋 友 要 年 滿 10 歲 以 上 先 可 以 參 加 ， 佢 哋 會 同 大 人 一 樣 ， 上 理 論 課 同 埋 出 海 實 習 ， 仲 會 安 排 佢 哋 去 考 牌 。 」 課 程 學 費 需 $3,300 ， 並 不 便 宜 ， 但 Stephen 指 小 朋 友 學 員 人 數 每 年 增 加 ， 由 前 年 十 多 位 ， 增 加 至 去 年 超 過 30 位 小 朋 友 報 讀 課 程 兼 去 考 牌 。
體 驗 班 吸 小 朋 友 客
為 了 吸 納 10 歲 以 下 的 小 朋 友 ， Stephen 還 開 辦 潛 水 體 驗 班 ， 讓 8 歲 以 上 的 小 朋 友 參 加 ， 完 成 課 程 可 得 到 潛 水 歷 險 會 所 頒 發 的 證 書 。 體 驗 班 分 兩 種 ， 包 括 「 泡 泡 小 勇 士 」 和 「 小 海 豹 潛 水 隊 」 。 前 者 是 1 天 課 程 ， 約 4 小 時 ， 收 費 $450 ， 主 要 讓 未 受 過 潛 水 訓 練 的 小 朋 友 ， 在 游 泳 裏 體 驗 一 下 潛 水 的 感 覺 ， 「 我 哋 會 有 1 個 鐘 嘅 簡 介 ， 跟 住 會 帶 佢 哋 去 泳 池 潛 水 ， 同 佢 哋 玩 一 啲 水 底 遊 戲 ， 如 水 底 飛 碟 等 ， 等 佢 哋 多 啲 喺 水 底 活 動 。 」
至 於 「 小 海 豹 潛 水 隊 」 可 選 5 或 15 項 技 術 培 訓 ， 每 項 2 小 時 ， 每 項 收 費 $400 ， 課 程 會 按 真 實 海 底 環 境 ， 設 計 不 同 的 水 底 任 務 供 學 員 完 成 ， 例 如 把 泳 池 燈 關 掉 ， 模 擬 夜 潛 的 情 況 等 。 「 通 常 啲 小 朋 友 會 先 參 加 1 日 嘅 體 驗 班 ， 試 玩 吓 ， 好 似 舊 年 有 超 過 50 個 小 朋 友 參 加 『 泡 泡 小 勇 士 』 ， 當 中 有 三 分 一 會 再 參 加 『 小 海 豹 潛 水 隊 』 。 」
營 業 額 超 過 10 萬
客 人 邱 先 生 在 4 年 前 ， 已 帶 當 時 8 歲 大 的 仔 仔 學 潛 水 ， 更 由 體 驗 班 一 路 學 到 考 牌 ， 「 我 有 玩 開 潛 水 ， 放 假 都 想 帶 埋 仔 仔 一 齊 去 玩 ， 同 埋 覺 得 潛 水 係 一 種 比 較 另 類 嘅 活 動 ， 可 以 擴 闊 仔 仔 嘅 眼 界 ， 畀 佢 接 觸 多 啲 海 洋 生 物 ， 所 以 一 知 道 有 呢 類 課 程 ， 就 即 刻 幫 佢 報 名 ， 家 佢 已 經 考 咗 牌 喇 。 」
雖 然 經 濟 環 境 比 去 年 差 ， 但 家 長 仍 然 捨 得 使 錢 在 小 朋 友 身 上 ， 加 上 豬 流 感 殺 到 ， 學 校 提 早 放 暑 假 ， 令 不 少 家 長 提 早 半 個 月 來 報 名 ， 好 多 班 已 經 爆 滿 ， 生 意 沒 有 太 大 影 響 。 Stephen 估 計 現 時 參 加 人 數 跟 去 年 相 若 ， 有 機 會 開 更 多 班 ， 今 年 暑 假 只 計 小 朋 友 班 ， 營 業 額 超 過 10 萬 ， 估 計 盈 利 亦 超 過 5 萬 。 「 潛 水 有 分 淡 旺 季 ， 暑 期 一 定 係 最 旺 ， 差 唔 多 日 日 都 有 班 ， 今 年 有 豬 流 感 ， 令 啲 家 長 仲 早 咗 幫 小 朋 友 報 名 ， 6 月 頭 已 經 要 開 班 喇 。 」
為 了 擴 大 客 源 ， Stephen 還 與 超 過 10 間 學 校 和 團 體 合 作 開 班 ， 也 沒 有 受 流 感 影 響 ， 課 程 將 如 常 舉 行 。 「 啲 學 校 覺 得 潛 水 班 喺 校 外 上 堂 ， 而 且 係 健 康 運 動 ， 都 覺 得 冇 需 要 停 辦 。 」 其 實 最 初 開 兒 童 班 時 ， Stephen 也 遇 過 不 少 阻 滯 。 「 最 初 我 主 動 聯 絡 啲 學 校 同 團 體 想 開 班 ， 但 係 佢 哋 覺 得 潛 水 危 險 ， 唔 肯 同 我 合 作 ， 直 至 呢 兩 年 ， 潛 水 開 始 hit ， 同 埋 啲 學 校 想 搞 特 色 嘅 課 程 ， 提 升 學 校 知 名 度 ， 輪 到 佢 哋 主 動 搵 我 ， 家 我 哋 同 超 過 10 間 學 校 同 中 心 ， 如 小 童 群 益 會 、 循 道 衛 理 學 校 一 齊 搞 活 動 ， 反 應 好 好 ， 亦 反 映 到 潛 水 呢 項 活 動 愈 嚟 愈 受 歡 迎 。 」
一 齊 潛 水 當 親 子 活 動
熱 愛 潛 水 的 邱 先 生 ， 4 年 前 已 讓 仔 仔 Geoffeny 學 潛 水 ， 現 時 仔 仔 已 考 牌 ， 還 跟 過 Daddy 到 菲 律 賓 潛 水 。 「 我 同 太 太 都 鍾 意 潛 水 ， 一 直 都 想 帶 埋 仔 仔 去 ， 所 以 一 知 道 有 潛 水 班 就 畀 佢 學 ， 舊 年 連 囡 囡 都 學 埋 一 份 。 」
泡 泡 小 勇 士
年 齡 ： 8 歲 或 以 上
名 額 ： 不 限
費 用 ： $450
日 期 ： 自 訂 日 期 及 時 間
堂 數 ： 1 堂 （ 1 小 時 理 論 介 紹 ， 3 小 時 在 淺 水 泳 池 體 驗 潛 水 及 水 底 競 技 。 ）
PADI 國 際 初 級 潛 水 員 證 書 課 程
年 齡 ： 10 歲 或 以 上
名 額 ： 不 限
費 用 ： $3,300 （ 英 文 班 $3,500 ）
日 期 ： 自 訂 日 期 及 時 間
堂 數 ： 12 堂 （ 5 堂 理 論 講 解 ， 5 節 泳 池 或 平 靜 水 域 訓 練 ， 2 天 海 上 實 習 。 ）
網 址 ： http://www.divinghk.com
Case 2 跳 舞 班 有 得 出 騷
每 個 家 長 多 少 有 點 虛 榮 ， 希 望 看 到 小 朋 友 出 騷 ， 站 在 舞 台 上 表 演 ， 威 風 一 番 。 由 曾 跟 郭 富 城 、 劉 德 華 、 陳 慧 琳 等 演 唱 會 排 舞 的 Sunny ， 開 辦 的 Sunny Wong Dance School 也 看 準 這 一 點 ， 於 今 年 開 辦 暑 期 班 ， 在 課 堂 以 外 ， 提 供 小 朋 友 不 少 表 演 機 會 ， 成 為 gimmick 和 宣 傳 途 徑 。
同 是 著 名 排 舞 師 的 林 青 峰 （ Sammy ） ， 是 該 校 的 兒 童 班 總 監 兼 導 師 。 他 指 公 司 曾 與 許 多 商 場 和 機 構 合 作 ， 故 此 能 為 學 生 找 到 不 少 出 騷 機 會 ， 基 本 上 每 個 月 都 會 有 騷 ， 學 生 會 在 課 堂 外 ， 額 外 安 排 時 間 排 舞 。 「 其 他 學 校 安 排 學 生 去 表 演 ， 通 常 係 做 伴 舞 ， 或 者 集 體 表 演 ， 而 且 大 部 分 係 免 費 表 演 。 但 我 哋 會 安 排 學 生 喺 啲 商 業 show 做 表 演 嘉 賓 ， 淨 係 佢 哋 幾 個 做 solo ， 好 似 一 啲 商 場 表 演 、 廣 告 等 ， 大 部 分 都 有 酬 金 ， 一 般 都 有 3 、 400 百 蚊 ， 啲 家 長 聽 到 小 朋 友 有 得 表 演 ， 都 會 好 buy 。 」 學 生 出 騷 不 但 能 滿 足 學 生 和 家 長 的 成 就 感 ， 還 可 以 做 埋 宣 傳 。 「 出 騷 仲 係 一 個 好 好 嘅 宣 傳 途 徑 ， 好 多 人 見 到 學 生 跳 得 咁 好 ， 都 會 問 喺 邊 度 學 ， 跟 住 就 嚟 報 名 。 」
小 班 教 學 家 長 放 心
為 了 方 便 出 騷 ， 該 課 程 也 與 其 他 兒 童 班 略 有 不 同 。 「 一 般 兒 童 班 只 係 幫 小 朋 友 排 幾 隻 舞 就 算 ， 但 好 多 商 業 騷 ， 要 求 小 朋 友 識 跳 幾 種 舞 ， 所 以 我 哋 會 教 晒 jazz 、 hip hop 等 ， 同 埋 我 哋 希 望 學 生 可 以 繼 續 跳 落 去 ， 由 兒 童 班 跳 到 青 年 班 ， 會 教 佢 哋 數 拍 子 同 樂 理 ， 打 好 個 基 礎 ， 為 將 來 晉 身 為 專 業 舞 蹈 員 去 鋪 路 。 」
其 實 開 辦 兒 童 班 ， 只 是 去 年 的 事 ， 因 學 校 最 初 主 力 做 成 人 班 ， 上 課 時 間 集 中 在 晚 上 ， 未 能 善 用 資 源 。 「 啲 青 年 班 同 成 人 班 主 要 夜 晚 上 堂 ， 日 頭 間 跳 舞 室 冇 人 用 好 浪 費 ， 而 我 舊 年 返 咗 香 港 ， 同 Sunny 傾 開 覺 得 兒 童 班 有 市 場 ， 就 決 定 喺 9 月 開 班 ， 一 開 已 經 有 5 班 ， 超 過 30 個 學 生 。 」 反 應 好 ， Sammy 無 懼 豬 流 感 ， 在 今 年 暑 假 更 會 密 集 式 上 堂 ， 一 口 氣 開 辦 超 過 20 班 ， 分 初 、 中 和 高 班 ， 收 生 年 齡 由 3 歲 至 13 歲 ， 每 班 5 至 9 人 。 「 我 唔 覺 得 豬 流 感 有 咩 影 響 ， 好 多 家 長 依 然 嚟 幫 小 朋 友 報 名 上 堂 ， 所 以 唔 會 太 擔 心 ， 不 過 ， 我 哋 會 採 取 小 班 教 學 ， 令 啲 家 長 安 心 啲 。 」
為 增 加 課 程 吸 引 力 ， 暑 期 班 還 會 增 設 3 堂 才 藝 表 演 課 程 ， 包 括 小 小 MC 訓 練 、 魔 術 和 歌 唱 表 演 。 「 家 要 求 小 朋 友 多 才 多 藝 ， 所 以 我 哋 加 入 呢 3 項 訓 練 ， 令 課 程 感 覺 豐 富 啲 ， 同 埋 呢 啲 表 演 亦 有 助 小 朋 友 第 時 出 騷 。 」 Sammy 說 如 果 反 應 好 ， 將 來 更 會 為 這 些 才 藝 表 現 獨 立 開 班 ， 拓 大 客 源 。 暑 期 班 在 7 月 中 開 班 ， 但 現 時 報 名 學 生 已 超 過 百 人 ， 估 計 暑 假 的 營 業 額 可 達 40 萬 ， 盈 利 亦 超 過 10 萬 ， 所 以 話 細 路 錢 ， 真 係 好 易 賺 。
有 得 出 騷 家 長 勁 buy
家 長 Helen 亦 最 欣 賞 學 校 能 安 排 學 生 踏 上 舞 台 出 騷 ， 便 讓 10 歲 囡 囡 Angel 來 學 跳 舞 ， 「 Angel 好 鍾 意 學 跳 舞 ， 之 前 已 經 要 求 想 學 跳 jazz ， 後 來 知 道 呢 度 開 班 ， 可 以 畀 小 朋 友 踩 台 板 ， 攞 多 啲 表 演 機 會 ， 我 就 即 刻 幫 佢 報 名 。 」
兒 童 舞 蹈 暑 期 課 程年 齡 ： 3 至 13 歲 （ 分 初 、 中 及 高 班 ）
名 額 ： 初 班 最 多 5 人 ， 中 及 高 班 最 多 9 人 。
費 用 ： $2,600
日 期 ： 7 月 13 日 起
堂 數 ： 14 堂
網 址 ： http://www.sunnywongdance.hk
安 全 起 見 ， 所 有 體 驗 班 也 會 在 泳 池 進 行 ， 而 教 練 全 部 擁 有 教 練 牌 兼 有 至 少 5 年 以 上 潛 水 經 驗 ， 加 上 每 位 教 練 最 多 同 時 教 2 至 4 位 小 朋 友 ， 若 人 多 便 會 有 助 教 協 助 ， 減 低 危 險 性 。
為 增 加 潛 水 樂 趣 ， 小 朋 友 上 體 驗 班 時 ， 會 有 大 量 遊 戲 提 供 ， 包 括 這 款 過 千 元 一 部 的 水 底 推 進 器 ， 只 要 按 掣 便 可 快 速 向 前 。
小 朋 友 落 水 前 ， 都 要 上 理 論 課 ， 由 Stephen （ 左 ） 和 導 師 示 範 如 何 着 潛 水 衣 和 使 用 氧 氣 筒 。
卓永強攝" autofit="true" onload="autofit_hw( '250' , this, 'w')"> 
卓永強攝" autofit="true" onload="autofit_hw( '250' , this, 'w')"> 
新航 A380香港線首航着陸本港一剎那。" autofit="true" onload="autofit_hw( '250' , this, 'w')"> 
空中巨無霸全機 471個座位全部爆滿。孔慶初攝" autofit="true" onload="autofit_hw( '250' , this, 'w')"> 
